डायबिटीस नियंत्रणाचा संपूर्ण आधार योग्य आणि सकारात्मक अशी मानसिकता आहे. बरेच लोक, किंवा बरेच डॉक्टर, त्यांच्या रूग्णांच्या कल्याणासाठी किंवा त्यांच्या आरोग्यात योगदान देण्यासाठी त्यांच्या पद्धतींद्वारे काही मार्ग निवडण्यासाठी मदत करतात ज्यामुळे त्यांना केवळ पैसेच मिळत नाहीत तर अनेक रुग्णाकडून आशीर्वाद देखील मिळतात. डॉक्टर म्हणून, तुमचे ध्येय तुमच्या पेशंटला पुढील १५ ते २० दिवसांत फॉलो-अपसाठी येण्यास सांगणे नसून; तुमचे ध्येय रुग्णांवर उपचार करणे, त्यांच्या आयुष्यातील वेदना कमी करणे असले पाहिजे. तसेच लोकांच्या आयुष्यात सकारात्मक बदल आणि आरोग्यरूपी मदत करत असताना रुग्णांना त्या आजाराबाबत ची भीती दूर करणे आणि शिक्षण देणे जेणेकरून त्यांना पुन्हा कधीही डॉक्टरांकडे जावे लागणार नाही असे असले पाहिजे.

माझ्या आई-वडिलांनी मला आयुष्यात खूप काही दिले, सुरुवातीला तेही माझ्या या वेगळ्या पद्धतीच्या उपचारप्रणालीच्या, दृष्टिकोणाच्या विरोधात होते. माझ्या आई वडिलांना 30 वर्षांहून अधिक क्लिनिकल अनुभव आहे आणि ते देखील इतर अनेक लोकांपैकी होते ज्यांना सुरुवातीला माझ्या दृष्टीकोनाबद्दल शंका होती. डायबिटीस वरील संशोधन आणि विज्ञानाच्या मागे न जाता मी माझी खाजगी सेवा उघडावी, माझे रुग्णालय उघडावे आणि प्रत्यक्ष व्यवहारात जावे असे माझे पालक आणि काही जवळचे लोक सुचवत होते. पारंपारिक पद्धतींचा वापर करून सराव करणे निवडले तर माझे आधुनिक वैद्यकीय शास्त्र शिकण्याची वर्षे व्यर्थ जातील यावर माझे आई वडील ठाम होते. कारण अशा प्रकारची आजार मुक्ति त्यांनी या अगोदर कधी लोकांची झालेली पहायलेली नव्हती म्हणून ते मला पाठिंबा देत नव्हते. कुठे तरी ते त्यांच्या जागी योग्य होतेच. हे सर्व माझ्यासाठी थोडे निराशाजनक होते पण मी माझ्या मतवार ठाम होतो. तेच माझे आई बाबा, ज्यांनी सुरुवातीला माझ्या विचारांकडे दुर्लक्ष केले आणि माझ्या या विचारांना विरोध केला त्यांना आता माझा सार्थ अभिमान वाटतो. काही वर्षापूर्वी एका पुरस्कार सोहळ्यात माझ्या बऱ्या झालेल्या पेशंटचे सत्कार माझ्या आई बाबांच्या हस्ते जेंव्हा झाले त्यावेळी मी बाहेरगावी इतर रूग्णांचे समुपदेशन करत होतो म्हणून मी या छोट्या पुरस्कार सोहळ्याला उपस्थित राहू शकलो नव्हतो, परंतु माझ्या एका मित्राने मला तिथे काय घडले याबद्दल सर्व सांगितले. त्या पुरस्कार सोहळ्यादरम्यान ते रुग्ण भावनिक होऊन माझ्या आई बाबांना म्हणाले की, त्यांनी त्यांच्या पोटी डायबिटीस निर्मूलनासाठी देवदूताला जन्म दिला आहे. त्या वेळी माझ्या आई-वडिलांना आनंदाचे अश्रू अनावर झाले होते. आणि त्यानंतर त्यांचा या दृष्टिकोणावर विश्वास बसला. आज त्यांना माझ्या या कार्याचा अभिमान वाटतो.

मी माझे प्रोटोकॉल, योजना आणि सूत्रावर व्यापक संशोधन करत राहिलो. ज्यावेळी १०० रूग्णांना डायबिटीस मुक्त होण्यासाठी मार्गदर्शन करण्याचा माझा टप्पा मी पार केला त्यावेळी मला जाणवले की यात एक पॅटर्न आहे. जेव्हा मला हा पॅटर्न मिळाला तेव्हा माझ्या आत्मविश्वासाची पातळी अनेक पटीने वाढली. मला तो मार्ग कळला आणि हा मार्ग इतर अनेक सहकारी डॉक्टरांनीही जाणून घ्यावा असे मला वाटत होते जेणेकरून तेही माझ्यासारखे काहीतरी करू शकतील. मला असे डॉक्टर नव्हते पाहिजे की ज्यांना फक्त प्रसिद्धी आणि श्रीमंती हवी आहे याउलट मला असे डॉक्टर पाहिजे होते कि ते दीर्घ आजारांवर उपचार करण्यासाठी परिश्रम करतील आणि रूग्णांच्या कल्याणासाठी किंवा त्यांच्या आरोग्यात योगदान देण्यासाठी मदत करतील. रुग्णांना त्या आजारा बाबत शिक्षण देतील आणि त्या आजाराबाबत ची भीती दूर करतील. या सर्व प्रवासात ते रुग्णांसोबत एक खंबीर आधार आणि मार्गदर्शक असतील. त्यानंतर मी अनेक अनुभवी डॉक्टरांना भेटलों.त्याबाबत माझा अनुभव काही सकारात्मक नव्हता. अनुभवी डॉक्टरांचा विचार करता अनेक दशकांपासून सराव करणाऱ्या या डॉक्टरांनी आपली ताकद आधीच प्रस्थापित केलेली असते. ते स्थानिक पातळीवर त्यांच्या स्पेशालिटीसाठी ओळखले जातात, त्यामुळे त्यांना या प्रणालित आणणे अवघड होते त्यात त्यांचा पण दोष नव्हता जर मी त्यांच्या जागी असतो, तर कदाचित मी पण तशीच प्रतिक्रिया दिली असती कारण चौकटी बाहेर जाऊन काहीतरी करून पाहण्याचा प्रयत्न करताना माझी चांगली वाढणारी उपचार नियोजन पद्धती मी का सोडेल, बरोबर ना?

परंतु या कार्यात मला डॉक्टरांची फौज हवी होती १ -५ वर्षांचा अनुभव असलेले डॉक्टर ज्यांना समाजासाठी खरोखर काहीतरी चांगले करायचे होते अशा युवा डॉक्टरांचा शोध सुरू केला. मी आणि माझी बहीण डॉ चंद्रश्री कुलकर्णी यांच्यापासून सुरुवात केली आणि डी एफ एफ चे स्वप्न पहिले. ते जे बीज लावले होते त्याचा आज इतक्या वर्षांनंतर वटवृक्ष होण्याच्या मार्गावर डी एफ एफ सध्या वाटचाल करत आहे. दररोज सकाळी मी माझ्या आई वडिलांचे आणि रुग्णांचे आणि इतर अनेक सहकारी प्रॅक्टिशनर्सचे आभार मानतो ज्यांच्याकडून मी बऱ्याच गोष्टी शिकलो आहे.

मला नेहमी जाणून घ्यायचे होते की मी काय विचार करतो किंवा मला काय करायचे आहे. त्या काळात. रुग्णाच्या बरे होण्यात यश मिळाल्यानंतर, मी ज्या दोन गोष्टी शिकलो त्या म्हणजे शिक्षण खरोखर महत्वाचे आहे. आणि दूसरे म्हणजे तुमच्याकडे अधिकाधिक शिकण्याची हातोटी असली पाहिजे, शिक्षणाची तहाण आवश्यक आहे. तुमचे कॉलेज तुम्हाला ग्रॅज्युएशन आणि पोस्ट ग्रॅज्युएशनमध्ये काय शिकवते ते तुम्ही शिकलात तर तुम्ही फक्त सामान्य भूमिकेत राहाल कारण तुमची व्यवस्थेच्या चौकटी बाहर जाऊन विचार करण्याची मानसिकता विकसित होणार नाही. त्यासाठी संशोधनाची मानसिकता आणि समाजासाठी काहीतरी चांगले करण्याची मानसिकता असणे आवश्यक आहे. मी अनेक संयुक्त चर्चासत्रात भाग घेतल्यानंतर गेलो होतो त्यात मला एक गोष्ट समजली ती म्हणजे यशासारखे दूसरे यश नाही. तुमचे यश हे सर्व काही सिद्ध करते. आता अनेक पदांबद्दल अनेक चौकशी येतात की मला या मिशनमध्ये आणखी एक मदतीचा हात जोडण्यास आनंद होईल, परंतु फरक एवढाच आहे की आता मला त्या पारंपारिक, प्रस्थापित डॉक्टरांकडून चौकशी येतात ज्यांनी सुरुवातीला या कार्यात येण्यास नाकारले होते. खरे तर माझ्या “अशक्य स्वप्नातून’ इतके यश मिळवू शकलो याचा मला अभिमान वाटतो आणि हे यश मी माझ्या आई बाबा,गुरुजन,हितचिंतक आणि सर्व बऱ्या झालेल्या पेशंटना समर्पित करतो.

आजारमुक्त असणे हा भ्रम नाही. बरेच जण आरोग्य बिघडले की ते त्यांच्या आरोग्याची काळजी घेतात. तोपर्यंत ते आपल्या आरोग्याची हेळसांड करत राहतात आणि ते अस्वास्थ्यकर, वाईट सवयी आणि व्यसनांमध्ये गुंततात. लोकांना माहित आहे की धूम्रपानामुळे मृत्यू होतो, परंतु तरीही ते खरेदी करतात आणि धूम्रपान करतात. मुलगा असो वा मुलगी, आजच्या पिढीतील तरुण एक नवीन मार्ग स्वीकारत आहे जो त्यांच्यासाठी अजिबात आरोग्यदायी नाही. या लोकांना आरोग्य शिक्षणाची सर्वाधिक गरज आहे. कारण त्यांचे जीवन धोक्यात आहे. आणि ते स्वतःच स्वतःच्या शरीराला त्रास देत आहेत. आज या सर्व गोष्टी तुम्हाला खूप आकर्षक आणि मजेदार वाटतील परंतु कधी ना कधी तुमचे शरीर त्याच्या मर्यादेपर्यंत पोहोचेल आणि त्याची क्षमता संपणार हे निश्चित पण तेंव्हा वेळ निघून गेलेली असते. आपले शरीर आतून नाजूक आहे आणि आपल्यासाठी सर्वोत्तम आरोग्य राखण्यासाठी त्याची अत्यंत काळजी घेणे आवश्यक आहे. जर आपण आपल्या आरोग्याची काळजी घेतली नाही तर आपल्याला आपले भविष्य रुग्णालयात घालवावे लागू शकते. परंतु यात निवड शेवटी तुमची आहे!